| Subject: | Waut meent Dietsch? | ||
| Date: | Thu, 07 Dec 2006 22:51:03 -0600 | ||
| From: | Eugene Reimer | To: | Plautdietsch: Mennonite Low German <PLAUTDIETSCH-L@LISTSERV.LINGUISTLIST.ORG>
| |
Ekj well waut froage äva woo wie onse Sproak nane. Mie ess daut enn, onse Sproak blooss Dietsch te nane, un dee Sproak waut see en Dietschlaunt brucke nant eena dan Huachdietsch. (Ooda Deutsch.) Soo's dü daut Wuat "Dietsch" bruckst ess soo's maunkje aundre uck doone, oba ekj jleew daut jefft onse beleewde Sproak en bät soon 2nd-class status, nich soo?
Opp disse List sie ekj en gaunss nieja Aunfanga, ekj weet soo goot auss nuscht waut jie aul aula berädt ha, un festo nich mol jescheit opp Dietsch te schriewe. Daut ess werkjlich en beskje driest von mie met soone Froag auntefange, oba soon daumelja Mensch sie ekj:-)
Reuben Epp wrote, On 2006-12-07 01:09:
> Soone dee Dietsch läse un Plautdietsch vestohne...
2008-03-25: Vondoag wort opp dee selwsje List jerät von Dietsch un Plautdietsch uutenaunda hoole, en dann früach ekj:
Kunn daut soont jäwe daut doa wuua ne Grupp Mensche sennt met ähre eajne Sproak, un enn disse Sproak habe see en korta Nome fo ne aundre Sproak, un see brucke en doawonn-aunjeläangdet Wuat toom ähre eajne Sproake bediede?
Nä soont kunn et enn disse Welt goanich jäwe, wiels en Jiedra weet daut neiw daut dee Sproak waut hee räde deit ess wichtja aus irjent ne aundre. Blooss mank jewesse Plautdietsche jeft daut soont.
Kunn wie nich mett uns Pautdietsch en klien bestje Stollt senne?