Thiesses Heina vetald mie vondoag, daut enn Schaunzefeld de amerikaunische Tjoatjarie uck mood jeworde ess.
Enn soo haud väajen Sinndach de Predja jefroacht, wea aula em Himmel senne wull; dee sulle mol aula oppstohne. Aula stunde se opp, enn een poah haude "Hallelujah" jebload, enn dree sogoa "Yippee!"
Heina, wann äwahaupt, haud oppe säwende Beintjch gaunz lintjsch jesäte, enn wea nijch oppjestohne.
"Enn wea well noh de Hall?" haud de Predja jefroacht.
Thiesses Heina stund opp.
"Na, heat etj saj, woo ess sowaut mäjlijch, Jung?"
"Etj well nijch, daut Jie doa auleen enn eensaum send, wann se Junt doa ennhette."